Kryetari i Komitetit Ndërkombëtar të Kryqit të Kuq takohet me Xhaberi Ansari
Asistenti i lartë i ministrit të punëve të jashtme të Iranit dhe kryetari i Komitetit Ndërkombëtar të Kryqit të Kuq kanë diskutuar zhvillimet e rajonit të Lindjes së Mesme.
Agjencia e lajmeve IRNA njoftoi se në takimin e së dielës të Husejn Xhaberi Ansari dhe Peter Maurer që u zhvillua në Teheran, janë diskutuar zhvillimet më të fundit në Siri, procesi i negociatave të Astanas, puna e komitetit për shkëmbimin e të arrestuarve dhe të zhdukurve, gjendja humanitare në Idlib dhe çështjet përkatëse me kthimin e refugjatëve sirianë në vendbanimet e tyre.
Në këtë takim të dy palët kanë biseduar edhe për zhvillimet në Jemen dhe përpjekjet më të fundit për zgjidhjen e krizës së këtij vendi dhe për lehtësimin e dërgimit të ndihmave humanitare në Jemen.
Dërgimi i ndihmave humanitare dhe reduktimi i dhimbjeve të popullit jemenas dhe sirian të përfshirë nga lufta, gjatë viteve të fundit gjithnjë ka qenë prej prioriteteve të rëndësishme të Republikës Islamike të Iranit.
