Shtohet numri i turistëve të huaj në Iran

Kryetari i organizatës për trashëgiminë kulturore, industrinë artizanale dhe turizmin, njoftoi shtimin e numrit të turistëve të huaj që vizitojnë Iranin.

Ali Asgar Munesan, kryetar i organizatës për trashëgiminë kulturore, industrinë artizanale dhe turizmin tha se përgjatë vitit të kaluar numri i turistëve të huaj që kanë vizituar Iranin ka arritur në 5 milion 100 mijë persona ndërsa ky numër në 9 muajt e parë të këtij viti ( sipas kalendarit diellor) ka arritur në 6 milion turistë. Ai gjithashtu vuri në dukje se vitin e kaluar janë eksportuar 520 milion dollarë produkte artizanale ndërkohë që janë bërë programe për rritjen e këtij niveli deri në 2 miliard dollarë.