Ruhani: Sanksionet e SHBA krim kundër njerëzimit

Presidenti i RII dr. Hasan Ruhani ka thënë se sanksionet e Shteteve të Bashkuara kundër popullit iranian janë "krim kundër njerëzimit" pasi ato kanë vënë në shënjestër në mënyrë efektive njerëzit e zakonshëm, duke penguar qasjen e tyre në ushqim dhe mjekësi.

"Ditët e vështira dhe problemet e krijuara nga lufta ekonomike e SHBA kanë filluar", tha Ruhani në një takim të së mërkurës me një grup avokatësh iranianë në Teheran. Presidenti iranian e përshkroi luftën si një "krim kundër njerëzimit", duke thënë se sanksionet kanë krijuar vështirësi për jetesën e njerëzve dhe e kanë bërë më të vështirë për ta për të pasur qasje në ushqim dhe medikamente. "Kjo nuk është një luftë kundër qeverisë së Republikës Islamike të Iranit, por një luftë kundër popullit iranian", shtoi ai. Qeveria amerikane ka ri-imponuar sanksione kundër Iranit pasi u tërhoq në mënyrë të njëanshme nga marrëveshja bërthamore me Teheranin në maj 2018. Uashingtoni kohët e fundit ndërpreu përjashtimin e heqjes së sanksioneve për tetë klientët më të mëdhenj të naftës të Iranit, në një përpjekje për të ulur eksportet e vendit në zero. Ajo gjithashtu ka kërcënuar blerësit e naftës iraniane me sanksione nëse nuk arrijnë të ndalojnë blerjet e tyre.