A do të ketë sukses misioni i Shinzo Abe në Teheran?
Organizmi më i lartë i sigurisë së Iranit deklaroi se vizita e ardhshme e kryeministrit japonez Shinzo Abe në Teheran mund të jetë e suksesshme nëse bëhen përpjekje për të kthyer SHBA-në në marrëveshjen bërthamore të vitit 2015 dhe për të hequr sanksionet ndaj Republikës Islamike.
"Përpjekjet për t'i rikthyer Shtetet e Bashkuara në marrëveshjen bërthamore, për të kompensuar dëmet dhe për të hequr sanksionet extraterritoriale ndaj Iranit mund të jenë një garanci për suksesin e vizitës së kryeministrit japonez Shinzo Abe në Teheran ", shkroi të shtunën zëdhënësi i Këshillit të Sigurisë Kombëtare të Iranit, Keivan Khosravi. Khosravi përshëndeti marrëdhëniet dypalëshe midis Iranit dhe Japonisë, duke thënë se ato "kanë gëzuar gjithmonë një nivel të balancuar dhe të qëndrueshëm". Duke folur të enjten, zëdhënësi i qeverisë japoneze njoftoi se Abe do të vizitojë Iranin në një përpjekje për të ulur tensionet midis Teheranit dhe Uashingtonit. Agjencia Kyodo News dhe media të tjera lokale thanë gjithashtu se Abe do të vizitojë Teheranin në 12-14 qershor dhe do të takohet me Liderin e Revolucionit Islamik Ajetollah Khamenei dhe Presidentin iranian Hasan Ruhani.
