Irani duhet të kapë anijet britanike nëse tankeri iranian nuk lirohet

Një zyrtar i lartë iranian ka bërë thirrje për konfiskimin e një cisterne britanike të naftës në rast se Londra refuzon lirimin e cisternës iraniane që ka mbajtur në mënyrë të paligjshme në Gjibraltar.

"Nëse Britania nuk e liron tankerin iranian të naftës, është detyra e autoriteteve për të bërë një lëvizje reciproke dhe për të kapur një tanker britanik të naftës", tha Mohsen Rezai, një gjeneral i lartë Gardës Revolucionare dhe sekretari i Këshillit të Lartë të Ekspertëve të Iranit. Ai tha se Republika Islamike asnjëherë nuk ka qenë iniciatore e tensionit në historinë e saj 40-vjeçare, por gjithashtu nuk do të ngurrojë asnjëherë të përgjigjet ndaj kërcënimeve. Supertankeri iranian Grace 1 u ndalua në ngushticën e Gjibraltarit të enjten nga agjencitë e policisë dhe doganore të Gjibraltarit, të ndihmuar nga një skuadrilje e Marinës Mbretërore Britanike, me kërkesën e SHBA. Ministria e Jashtme e Iranit thirri ambasadorin e Britanisë për të shprehur protestën e saj të fortë. Ambasadorit Rob Macaire iu tha se lëvizja e Marinës Mbretërore Britanike ishte e barazvlefshme me "piraterinë detare" dhe se Britania e Madhe duhet të lirojë menjëherë cisternën iraniane të naftës. Spanja, e cila sfidon pronësinë britanike të Gjibraltarit, tha se veprimi ishte nxitur nga një kërkesë amerikane ndaj Britanisë dhe dukej se ngjarja kishte ndodhur në ujërat spanjolle. Ekspertët besojnë se masa e marrë nga qeveria britanike është e paligjshme dhe mund të ketë pasoja serioze për qeverinë në Londër.