Hezbollah: Politikat amerikane kundër Iranit kanë dështuar

Nënpresidenti i Këshillit Ekzekutiv të Hezbollahut tha se politikat amerikane kundër Iranit kishin dështuar. Sheik Ali Damush tha të dielën, më 7 korrik, se të gjitha veprimet anti-iraniane të Shteteve të Bashkuara ishin të destinuara të dështojnë, ashtu si masat e tyre të fundit, të cilat ishin një fiasko.

"Shenjat e dështimit të Amerikës kundër Iranit janë kaq të qarta, saqë nuk mund të injorohen. Sot, Shtetet e Bashkuara nuk janë në gjendje të bëjnë asgjë dhe janë në konfuzion të plotë. Tërheqja e Shteteve të Bashkuara nga kushtet që u përpoq t'i impononte Iranit nxjerr në pah humbjen e administratës së Trump dhe mosfunksionimin e sanksioneve amerikane kundër Teheranit, "tha Ali Damush. Zyrtari i lartë i Hezbollahut ka këshilluar aleatët amerikanë në Gjirin Persik të mos mbështeten në këtë vend, pasi Uashingtoni do t'i braktisë lehtë ato kur të ballafaqohet me pengesën më të vogël. "Mënyra më e shkurtër për të rikthyer sigurinë në Gjirin Persik është ulja në tryezën e dialogut me Iranin dhe arritja e një marrëveshje me atë vend, në vend që të komplotojnë kundër tij", tha ai.