Zarif i drejtohet SHBA-së: Mos luaj me Iranin!

Pas rritjes së tensioneve në Gjirin Persik, Ministri i Jashtëm iranian, Muhamed Xhavad Zarif ka denoncuar praninë globale të Uashingtonit si një shkak i "pasigurisë dhe destabilitetit".

"Shtetet e Bashkuara krijojnë pasiguri dhe destabilitet kudo që vendosin këmbët. Sot, prania e SHBA krijon pasiguri në Gjirin Persik, Lindjen e Mesme, në Amerikën Latine dhe Azinë Jugore ", tha të shtunën Zarif pasi mbërriti në kryeqytetin e Venezuelës, Karakas. Duke folur me revistën amerikane New Yorker, Zarif iu referua provokimeve të fundit amerikane, duke premtuar se Irani do të "përgjigjet gjithmonë", duke paralajmëruar Uashingtonin që "të mos luajë me Iranin". "Ne themi:" Ju mund të filloni një luftë, por ju nuk do të jeni ata që e përfundoni atë ", tha Zarif duke shtuar: " Ne do të mbijetojmë, do të përparojmë, madje edhe shumë kohë pasi presidenti Trump të jetë zhdukur ".