Irani do ta kapërcejë luftën ekonomike dhe psikologjike

Presidenti iranian Hasan Ruhani tha se Republika Islamike është bërë shënjestra e një lufte gjithëpërfshirëse ekonomike dhe politike nga armiqtë, por në fund Irani do ta kapërcejë luftën ekonomike dhe psikologjike.

Duke folur në një ceremoni që shënoi fillimin e Javës së Qeverisë, Ruhani tha se qeveria iraniane iu nënshtrua një fushate të ngjashme presioni gjatë ditëve të para të Revolucionit Islamik të vitit 1979, por me ndihmën e kombit iranian e mposhti armikun. "Sot vendi është përballur me lloje të ndryshme problemesh dhe i nënshtrohet një lufte ekonomike, psikologjike dhe deri diku politike," tha ai të mërkurën, duke shtuar: "Ne duhet ta përfundojmë këtë luftë me një fitore për kombin iranian dhe jo vetëm që kjo është e arritshme, por është e sigurt duke marrë parasysh historinë e kombit tonë dhe premtimet e Zotit". Presidenti Ruhani tha të mërkurën se Irani do ta kapërcejë luftën e tanishme me "unitet, durim, rezistencë dhe inovacion". "Sa më shumë që populli dhe qeveria të bashkohen, aq më e fuqishme do të jetë Republika Islamike," shtoi ai. Ai vuri në dukje se populli iranian ka qenë më i fuqishmi në botë në formimin e qeverive dhe në vendosjen e sundimit të ligjit gjatë gjithë historisë së lashtë e të pasur të Iranit.