Aleancë ushtarake Iran-Kinë?

Shefi i Shtabit të Forcave të Armatosura Iraniane të mërkurën do të vizitojë Kinën.

Në krye të një delegacioni të lartë ushtarak, Shefi i Shtabit të Forcave të Armatosura të Iranit, gjeneral brigade Muhamed Bakeri, do të vizitojë Kinën të mërkurën, 11 Shtator, me ftesë të homologut të tij kinez. Gjeneral brigade Bakeri gjatë kësaj vizite do të takohet me zyrtarë të lartë kinezë, me të cilët do të diskutojë zhvillimet në rajon, thellimin e marrëdhënieve dypalëshe në sektorin e mbrojtjes dhe zhvillimin e bashkëpunimit në sektorë të ndryshëm. Ndërsa Shtetet e Bashkuara po punojnë shumë për të formuar një koalicion lufte kundër Rezistencës, i cili synon të parandalojë kalimin e naftës iraniane në Gjirin Persik dhe në Detin e Kuq, Kina ka kundërshtuar hapur sanksionet amerikane kundër Iranit kur importoi më shumë se një milion fuçi naftë bruto iraniane në muajin qershor. Në këtë zonë gjeostrategjike, Shtetet e Bashkuara dallohen nga prania e saj në rritje detare në Diego Garcia dhe në veçanti në Bahrejn ku ata koordinojnë rregullisht shumë manovra detare në rajon me pjesëmarrjen e forcave aleate. Për Iranin, që kërcënohet vazhdimisht nga amerikanët dhe aleatët e tyre, Oqeani Indian është një zonë e madhe operacioni. Si rrjedhim, Irani ka filluar të kërkojë një koalicion detar me Kinën që do të shtrihet në Oqeanin Indian dhe më gjerë. Sipas komandantit të Forcës Detare të Ushtrisë Iraniane, "një prani e përgjegjshme në det, shkëmbimi i të dhënave, një bashkëpunim i suksesshëm midis forcave detare rajonale dhe globale dhe më në fund zbatimi i masave të sigurisë janë të gjithë faktorët që promovojnë vendosjen e një rendi të koordinuar global në oqeanet e botës". Ai theksoi se siguria e zonave gjeopolitike në oqeane do të sigurohej vetëm me ndihmën e fuqive detare rajonale dhe në bashkëpunim me bashkësinë detare globale. Me pak fjalë, 30% e tregtisë botërore, nga e cila një pjesë e madhe i takon Kinës, kalon përmes Gjirit të Adenit, ngushticës së Malakas dhe ngushticës së Hormuzit, dhe tashmë kjo rrugë është kërcënuar dukshëm nga Shtetet e Bashkuara dhe aleatët e tyre. Dhe Kina nuk do të jetë në gjendje ta përmbushë këtë sfidë pa kontributin aktiv të Iranit.