Trazirat në Irak nuk do të pengojnë marshin e Arbainit Huseinit

Irani theksoi se trazirat në vazhdim në Irak nuk do të kenë asnjë ndikim në ceremonitë për të përkujtuar Arbanin Huseinit, i cili shënon 40 ditë pas martirizimit të Imam Huseinit, Imami i tretë i myslimanëve shi'itë, duke theksuar se qeveria dhe kombi irakian si dhe figura me ndikim në Irak me siguri do të zgjidhin çështjet e brendshme.

Qeveria dhe kombi irakian deri më tani kanë arritur të zgjidhin me maturi shumë kriza, tha të hënën zëdhënësi i Ministrisë së Jashtme iraniane Abas Musavi në një intervistë me Transmetuesin e Republikës Islamike të Iranit (IRIB). "Gjatë okupimit të vendit nga forcat amerikane dhe më pas, shumë ngjarje ndodhën në Irak, por qeveria dhe kombi irakian kanë arritur t'i kapërcejnë të gjitha këto çështje përmes maturisë dhe urtësisë së arritur si rezultat i konsensusit midis të gjitha partive dhe grupeve politike si dhe figurave politike dhe fetare të Irakut ", shtoi ai. Ai i këshilloi ata që kanë hedhur një sy lakmitar mbi trazirat e fundit në kryeqytetin irakian të Bagdadit dhe disa qytete të tjera për të realizuar interesat e tyre, "të mos mundojnë veten e tyre dhe ta dinë se këto janë çështje të brendshme të Irakut".