Irani reagon ndaj ndërhyrjes turke në Siri

Ministria e Jashtme iraniane në një deklaratë kundërshtoi çdo operacion të mundshëm ushtarak në Siri, duke përmendur gatishmërinë e Iranit për të kontaktuar autoritetet turke dhe siriane për të shpërndarë shqetësimet e sigurisë dhe për të zgjidhur situatën me masa paqësore.

Ministria e Punëve të Jashtme shprehu shpresën se paqja dhe stabiliteti do të rivendosen në Siri dhe në rajon pas këtij vendimi të SHBA për tërheqjen e forcave amerikane nga Siria. Irani ndjek nga afër informacionet shqetësuese që janë pjesë e një ndërhyrjeje ushtarake turke në Siri dhe beson se një qasje e tillë do të shkaktonte vetëm dëme të mëdha materiale dhe njerëzore. Kjo është arsyeja pse "Republika Islamike e Iranit kundërshton çdo operacion ushtarak dhe është e gatshme të kontaktojë menjëherë zyrtarët turq dhe sirian me qëllim të shpërndarjes së shqetësimeve, me masa paqësore, bazuar në respektimin e sovranitetit kombëtar, integritetit territorial të Sirisë dhe në bazë të Marrëveshjes së Adanas ", thuhet në deklaratën e MPJ të Iranit.