Sistemet e mbrojtjes së Iranit janë plotësisht vendase

Një komandant i lartë iranian theksoi se sistemet dhe pajisjet mbrojtëse të Republikës Islamike bazohen në një proces prodhimi plotësisht indigjen, duke theksuar se cilësia e pajisjeve ushtarake e ka kthyer Iranin në një nga pararendësit e teknologjisë së mbrojtjes në botë.

Në shumë zona, teknologjia më e lartë në botë është indigjenizuar nga bashkësia e teknologëve të aftë ushtarakë të Iranit, tha të enjten komandanti i Forcave Hapësinore të Korpusit të Rojeve të Revolucionit Islamik, gjeneral Amir-Ali Haxhizadeh, raporton agjencia e lajmeve Tasnim News. Sikur të mos ishin përpjekjet tashmë 30-vjeçare të specialistëve të talentuar iranianë, sanksionet e përdorura kundër Iranit do të kishin sjellë dëme të konsiderueshme në sektorët e ndryshëm industrialë, energjetikë dhe ekonomikë, tha ai. "Falë përpjekjeve të gjithanshme për zhvillim shkencor, jo vetëm që shumë prej sanksioneve shtypëse janë bërë joefektive, por madje ato janë shndërruar në një mundësi për rritje dhe forcim të aftësive dhe potencialeve të brendshme të vendit," deklaroi komandanti i Forcave Hapësinore të Korpusit të Rojeve të Revolucionit Islamik.