Ruhani: SHBA është duke shkelur rregullat ndërkombëtare të kujdesit shëndetësor
Presidenti iranian Hasan Ruhani ka kritikuar Shtetet e Bashkuara për intensifikimin e sanksioneve të saj kundër Republikës Islamike, duke thënë se SHBA është duke shkelur rregullat ndërkombëtare të kujdesit shëndetësor, në mes të një pandemie të koronavirusit që ka prekur pothuajse të gjitha kombet e botës.
Në një telefonatë të martën, Ruhani dhe Presidenti i Afrikës së Jugut Cyril Ramaphosa diskutuan mënyrat e mundshme për të forcuar bashkëpunimin dypalësh për kundërshtimin e sanksioneve çnjerëzore të SHBA, përfundimin e krimeve kundër popullit të shtypur palestinez dhe rivendosjen e paqes dhe qetësisë në Siri dhe Jemen. Duke folur për veprimet "çnjerëzore dhe të paligjshme" të qeverisë amerikane kundër kombit iranian, Ruhani theksoi: "Ndërsa ne jemi dëshmitarë të epidemisë së koronavirusit në botë dhe në një kohë që qëndrimet duhet të ndryshojnë drejt marrëdhënieve më të ngushta midis vendeve, SHBA për fat të keq ka shtuar sanksionet e paligjshme kundër popullit iranian". "Përveç shkeljes së rregullave ndërkombëtare, SHBA gjithashtu po shkel rregullat globale të shëndetit dhe madje po parandalon transferimin e mallrave shëndetësore dhe mjekësore në Iran," shtoi ai. Irani pret që Afrika e Jugut, si një anëtar jo i përhershëm i Këshillit të Sigurimit të Kombeve të Bashkuara, të përdorë platformën e OKB dhe qarqet e tjera ndërkombëtare për të shprehur kundërshtimin ndaj njëanshmërisë së SHBA dhe sanksioneve të saj të paligjshme kundër Republikës Islamike, tha Ruhani. Ai theksoi rëndësinë e forcimit të marrëdhënieve reciproke, veçanërisht në sektorin e tregtisë, ekonomisë dhe shëndetit, duke i nxitur të dy vendet të shkëmbejnë përvoja dhe informacione rreth mënyrave për të luftuar koronavirusin. Presidenti i Afrikës së Jugut, nga ana e tij, tha se vendi i tij është i vetëdijshëm për veprimet e padrejta dhe të paligjshme të SHBA-së kundër Iranit dhe do të vazhdojë të mbështesë Teheranin për të kundërshtuar masa të tilla. Ramaphosa bëri thirrje për një luftë kolektive kundër koronavirusit si një armik i përbashkët, duke thënë se nuk është një kohë e përshtatshme për të krijuar probleme për shtetet përmes sanksioneve dhe presionit.
