Irani: Vetëm sirianët vendosin për të ardhmen e vendit të tyre

Ministria e Jashtme e Iranit deklaroi se tre shtetet garantuese të procesit të paqes së Astanasë po punojnë për të ndihmuar popullin sirian të vendosë të ardhmen e vendit të tij dhe llojin e qeverisë së tij dhe në asnjë mënyrë të mos ndërhyjnë në punët e brendshme të këtij vendi.

Zëdhënësi i Ministrisë së Jashtme e Iranit, Abas Musavi i bëri këto deklarata të Dielën, duke hedhur poshtë raportet "e pabaza dhe spekulimet", të cilat pretendojnë se Irani, Rusia dhe Turqa po marrin vendime për të ardhmen e Sirisë. Zëdhënësi iranian tha se janë vetëm sirianët ata që mund të vendosin të ardhmen e tyre, llojin e qeverisë dhe pushtetarët e tyre, duke shtuar: "Republika Islamike e Iranit ka qenë gjithmonë në anën e qeverisë dhe popullit sirian në luftën e tyre kundër terrorizmit, dhe do të vazhdojë këtë linjë edhe në të ardhmen. " Musavi theksoi se Irani, Rusia dhe Turqia po përpiqen të forcojnë bisedimet siriane-siriane dhe të ndihmojnë popullin sirian të vendosë për të ardhmen e tij duke krijuar zona de-përshkallëzimi, duke formuar një Komitet Kushtetues dhe duke ndjekur procesin e bisedimeve dhe pajtimit kombëtar.