Ministri i Sigurisë Publike i Vietnamit vlerëson përparimet e Iranit

Pars Today- Ministri i Sigurisë Publike i Vietnamit vlerësoi përparimin e Iranit në fushën e mbrojtjes, ushtarake, shkencore dhe industriale dhe vlerësoi rezistencën dhe stabilitetin e Iranit kundër sanksioneve.

Me qëllim forcimin e marrëdhënieve dypalëshe, Komandanti i Përgjithshëm i i forcave të rendit të Republikës Islamike të Iranit dhe gjenerali Tulam, Ministri i Sigurisë Publike të Vietnamit, nënshkruan një memorandum mirëkuptimi për bashkëpunim gjithëpërfshirës policor. Në këtë ceremoni, gjeneral "Tulam" theksoi zhvillimin e mëtejshëm të marrëdhënieve dypalëshe dhe shumëpalëshe, veçanërisht në fushën e bashkëpunimit policor dhe si faktor për zgjerimin e bashkëpunimit përmendi marrëdhëniet miqësore dhe të respektuara mes dy vendeve. Ai gjithashtu vlerësoi përparimin e Iranit në fushat e mbrojtjes, ushtarake, shkencore dhe industriale, si dhe rezistencën dhe qëndresën e Iranit kundër sanksioneve. Memorandumi në fjalë përmban dispozita të rëndësishme për thellimin dhe forcimin e bashkëpunimit në zbatimin e ligjit, duke përfshirë shkëmbimin e informacionit dhe përvojave në fushën e luftimit të krimit të organizuar, terrorizmit, krimit kibernetik, prodhimit dhe trafikimit të drogës, trafikimit të qenieve njerëzore, pastrimit të parave, trafikut të armëve dhe municioneve, falsifikimit të dokumenteve dhe emigracionit të paligjshëm. Gjeneral Radan dhe delegacioni i lartë policor i Republikës Islamike të Iranit kanë udhëtuar në Vietnam me ftesë zyrtare të gjeneral Tulam me qëllim zgjerimin e bashkëpunimit policor. Gjatë këtij udhëtimi, gjeneral Radan do të takohet dhe do të bisedojë me kryeministrin e Vietnamit Pham Minh Chin. Këto takime dhe bashkëpunime do të jenë një hap i rëndësishëm në forcimin e marrëdhënieve mes dy vendeve dhe rritjen e bashkëpunimit në fushën e zbatimit të ligjit dhe sigurisë.