Irani renditet i treti në kampionatin botëror në Futsal

Ekipi iranian i futsalit duke mposhtur ekipin e Portugalisë u rendit i treti në kampionatin botëror në futsal (FIFA Futsal World Cup 2016) që zhvillohet në Kolumbi.

Loja e rregullt përfundoi me rezultatin e barabartë 2:2 dhe në gjuajtjen e penalltive, lojtarët iranianë u treguan më të saktë duke fituar 4:3. Në këtë kampionat ekipi iranian bëri një figurë shumë të mirë duke eliminuar në çerekfinale 5 herë kampionin e botës Brazilin, por në gjysmëfinale u mund nga ekipi i Rusisë me rezultat 4:3. Kampioni i botës do të përcaktohet nga takimi midis Rusisë dhe Argjentinës që sapo ka filluar.