Autobomba shpërthen pranë bazës së Rusisë në Raka të Sirisë

Një autobombë ka shpërthyer pranë një baze ushtarake ruse në provincën verilindore të Sirisë, Raka.

I ashtuquajturi Observatori Sirian për të Drejtat e Njeriut tha se dy burra parkuan një automjet të ngarkuar me eksploziv jashtë bazës ruse në zonën Tal Saman, përpara se të hapnin zjarr në bazë dhe të iknin nga vendi i ngjarjes në orët e para të së Premtes. "Ky është sulmi i parë i tillë i drejtpërdrejtë kundër një baze ruse në verilindje të Sirisë," tha shefi i Observatorit Sirian për të Drejtat e Njeriut, Rami Abdel Rahman. Grupi me qendër në Britani pretendoi se disa trupa ruse ishin plagosur në sulmin me autobombë, por pa dhënë një numër të saktë. Raporti nuk është konfirmuar ende nga Rusia. Grupi terrorist takfirist Hurras al-Din i lidhur me al-Kaidën thuhet se mori përgjegjësinë për sulmin në një deklaratë që qarkulloi në rrjetet sociale.