Ansarullah: Shtetet e Bashkuara po parandalojnë një zgjidhje politike në Jemen

Një zëdhënës i lëvizjes popullore jemenase Ansarullah kritikoi ndërhyrjen amerikane në Jemen, duke thënë se Uashingtoni po bllokonte një zgjidhje politike të krizës jemenase.

Sipas Agjencisë së Lajmeve Fars, Mohammed Abdul Salam, zëdhënësi i Ansarullahut dhe kreu i ekipit negociator të Jemenit, në llogarinë e tij në Twitter shkroi: "Ndërhyrja amerikane në Jemen ka çuar në shkeljen e sovranitetit kombëtar të vendit përmes agresionit ushtarak". Abdul Salam shtoi: "Shtetet e Bashkuara përdorën Arabinë Saudite dhe Emiratet e Bashkuara Arabe për të shkelur sovranitetin e Jemenit dhe u përpoqën të aktivizonin al-Kaidën dhe ISIS-in në Jemen". Zëdhënësi i lëvizjes popullore Ansarullah të Jemenit gjithashtu theksoi: "Ekonomikisht, Shtetet e Bashkuara dhe koalicioni saudit i lidhur me të kanë vendosur një rrethim të rëndë mbi Jemenin, i cili ka çuar në katastrofë në të gjitha fushat e jetës së vendit."