357 palestinezë janë martirizuar në vitin 2021

Në vitin 2021, regjimi sionist martirizoi 357 palestinezë, duke përfshirë një numër të madh grash dhe fëmijësh, njoftoi Shoqata Kombëtare e Familjeve të Dëshmorëve Palestinez.

Siç është raportuar nga Al-Sharq Al-Vasat të hënën; Shoqata Kombëtare e Familjeve të Dëshmorëve Palestinez publikoi një raport duke bërë të ditur lajmin, se rreth 19 për qind e martirëve palestinezë të vitit të kaluar janë gra, që është numri më i lartë i grave dëshmore palestineze në historinë e krimeve dhe akteve të dhunës së regjimit sionist që nga pushtimi i Palestinës në vitin 1948. Kjo shoqatë ka thënë në raportin e saj se 22% e këtyre martirëve janë fëmijë palestinezë. Amin Mohammed Hamad, 90 vjeç, është martiri më i vjetër palestinez në vitin e kaluar. “Ushtarët sionistë po udhëzohen nga zyrtarë politikë dhe ushtarakë që të vrasin palestinezë të paarmatosur pavarësisht nga gjinia apo mosha e tyre”, tha Mohammad Sabihad, sekretari i përgjithshëm i Shoqatës Kombëtare të Familjeve të Dëshmorëve Palestinez. Sabihad shtoi: Ushtria izraelite ka martirizuar 357 palestinezë, nga të cilët 100 në Bregun Perëndimor dhe 257 palestinezë në Gaza në vitin 2021. Sipas raportit, nga viktimat, 286 u vranë në maj gjatë agresionit izraelit në Gaza. Asambleja Kombëtare e Familjeve të Dëshmorëve Palestinez në raport vuri në dukje se heshtja e komunitetit ndërkombëtar ndaj krimeve të regjimit sionist e ka inkurajuar regjimin që të kryejë më shumë krime kundër fëmijëve të Palestinës.