Analisti amerikan: Është e pamundur ta mposhtësh Iranin

ParsToday — Një oficer në pension i ushtrisë dhe analist i politikës së jashtme të SHBA-së, duke iu referuar aftësive të fuqishme mbrojtëse të Republikës Islamike të Iranit, u theksoi zyrtarëve luftënxitës në Uashington: Nuk mund ta mposhtni Iranin ushtarakisht.

Sipas ParsToday, duke cituar IRNA-n, "Daniel Davis", oficer në pension i ushtrisë dhe analist i politikës së jashtme të SHBA-së, në një seri postimesh në llogarinë e tij në rrjetin social X (ish-Twitter), shkroi: Irani nuk u përgatit për dekada për të fituar një luftë ajrore, por u përqendrua në ndërtimin e fortifikimeve mbrojtëse në mënyrë që të mund të përballej me një luftë të tillë.

Ai, duke e krahasuar Iranin me një mal prej graniti, i cili konsiderohet një nga shkëmbinjtë natyrorë më të fortë në Tokë, shtoi: Realiteti është se nuk mund ta shkatërroni një mal graniti as me armë bërthamore, prandaj nuk do të jeni në gjendje ta mposhtni Iranin ushtarakisht.

Ky oficer në pension i ushtrisë terroriste amerikane, në vijim, i paralajmëroi presidentit iluzionist dhe luftënxitës të Shteteve të Bashkuara dhe tha se Donald Trumpi, përpara se agresioni ushtarak kundër Iranit të hyjë në një fazë tjetër, duhet të pranojë realitetet objektive dhe në terren të luftës me Iranin dhe të marrë vendime mbi bazën e tyre, jo mbi bazën e narrativave dhe retorikës politike që mund ta fshehin ose shtrembërojnë realitetin.

Ai shtoi: Nëse dikush ka iluzionin se Irani do të na lejojë të sulmojmë si të duam dhe se, si kundërpërgjigje, nuk do të ketë një sulm proporcional ndaj nesh, atëherë ai jeton në një botë imagjinare.

Ky analist amerikan, duke thënë se Irani deri tani ka treguar se mund t'i përgjigjet çdo gjëje që ne i drejtojmë, theksoi: Ne gjithashtu kemi dëshmuar se nuk kemi kapacitet të mjaftueshëm mbrojtës për t'i ndaluar plotësisht ata.

Ai, duke iu referuar nevojës së Shteteve të Bashkuara për një vlerësim të sinqertë të situatës përpara se përplasjet në Azinë Perëndimore të përshkallëzohen më tej, shtoi: Strategjia më e mençur e SHBA-së nuk është ta përshkallëzojë situatën pa menduar për pasojat e veprimeve të saj, por duhet të gjejë një mënyrë për t'i dhënë fund këtij cikli përpara se kostot e kësaj përplasjeje për SHBA-në të bëhen shumë më të rënda.

Davis gjithashtu theksoi: Aktualisht, dalja nga kjo situatë, edhe nëse bëhet përmes arritjes së një marrëveshjeje të keqe për interesat e SHBA-së, është shumë më e mirë sesa shpërfillja e realiteteve ushtarake dhe vazhdimi i sulmeve me shpresën e kotë se do të arrijmë atë që dëshirojmë.

Ai më tej theksoi: Një nga gabimet tona më të mëdha në luftën kundër Iranit ishte se besuam se përshkallëzimi i tensioneve nuk do të kishte asnjë pasojë për ne.