Forcat izraelite sulmojnë palestinezët në funeralin e gazetares
Forcat izraelite kanë sulmuar palestinezët që merrnin pjesë në kortezhin e varrimit të gazetares palestineze Shireen Abu Aklah, e cila u vra nga trupat e regjimit sionist në qytetin e pushtuar të Xheninit në Bregun Perëndimor.
Qendra Palestineze e Informacionit (Palinfo) tha në një postim në Twitter të premten se dhuna shpërtheu ndërsa vajtuesit palestinezë filluan të lëviznin arkivolin e Abu Akleh nga Spitali Francez St Louis në lagjen Sheikh Xharrah në Kudsin e pushtuar. Raportet e mediave thanë se forcat izraelite sulmuan vajtuesit për t'i penguar ata të mbanin arkivolin e Abu Aklah nga spitali në kishën katolike romake në Qytetin e Vjetër, përpara se ta çonin atë në varrezat e malit Sion, ku ajo u varros pranë prindërve të saj. Gjysmëhëna e Kuqe Palestineze raportoi se të paktën 33 persona u plagosën në sulmin izraelit në kortezhin e funeralit. Forcat pushtuese madje më herët gjatë ditës sulmuan shtëpinë e Abu Aklah , duke u përpjekur të rrëzonin një flamur palestinez që ishte ngritur për nder të saj. Al Jazeera raportoi se forcat izraelite arrestuan të paktën katër vajtues gjatë procesionit, duke përfshirë të paktën dy për ngritjen e flamurit palestinez në Kudsin e pushtuar.Pavarësisht kufizimeve, mijëra palestinezë myslimanë dhe të krishterë nga Jerusalemi dhe nga të gjithë territoret e pushtuara, duke përfshirë shumë kolegë dhe gazetarë, erdhën për të nderuar gazetaren veterane të Al Jazeera, e cila u qëllua në kokë të mërkurën teksa mbulonte një sulm izraelit kundër qytetit të Xheninit.
