Sulmi i dytë ajror izraelit kundër Sirisë brenda një jave

Për herë të dytë këtë javë, mbrojtja ajrore siriane të Premten herët interceptoi raketat e nisura nga ushtria izraelite në disa objekte në jug të kryeqytetit Damask, duke rrëzuar shumicën e tyre.

Agjensia zyrtare siriane e lajmeve SANA, duke përmendur një burim ushtarak, tha se rreth orës 4:20 të mëngjesit të Premten aeroplanët luftarakë izraelitë qëlluan disa raketa nga Lartësitë e okupuara Golan në disa objektiva në jug të Damaskut, por mbrojtja ajrore siriane shkatërroi shumicën e tyre. Burimi vuri në dukje se sulmi rezultoi në plagosjen e një civili si dhe në disa dëme materiale. Zhvillimi erdhi disa ditë pasi aeroplanët izraelitë qëlluan një numër raketash në zonat në rajonin jugor të Damaskut. Në sulmin e kryer të Hënën, mbrojtja ajrore siriane shkatërroi shumicën e raketave izraelite. Muajin e kaluar, Siria u bëri thirrje Kombeve të Bashkuara që të lëshonin një dënim "të qartë" të sulmeve ajrore flagrante të regjimit izraelit në territorin e Sirisë. Damasku gjithashtu i kërkoi OKB-së të kërkojë që agresori të respektojë rezolutat përkatëse të Këshillit të Sigurimit dhe të ndalojë menjëherë dhe pa kushte kërcënimin e paqes dhe sigurisë rajonale dhe ndërkombëtare.