Mahmud Abbas: Amerika dhe Anglia duhet t'i kërkojnë falje kombit palestinez

Kreu i Autoritetit Autonom Palestinez, teksa i kërkoi komunitetit ndërkombëtar që të mos ndërveprojnë me qeveritë ilegale të regjimit sionist, tha se Amerika dhe Anglia duhet t'i kërkojnë falje popullit palestinez.

Sipas raportit të Al Jazeera të premten, Presidenti i Autoritetit Autonom Palestinez Mahmud Abbas në takimin e përbashkët të vendeve arabe dhe Kinës në Riad tha: Amerika dhe Anglia duhet t'i kërkojnë falje popullit palestinez dhe t'i paguajnë atij dëmshpërblim për shkak të nënshkrimit të Deklaratës ogurzezë të Balfourit. Sipas këtij raporti, Mahmud Abbas shtoi: Efikasiteti dhe serioziteti i sistemit ndërkombëtar, i cili mbyll një sy ndaj krimeve të Izraelit kundër popullit dhe vendeve të shenjta palestineze, dhe shikon praninë e një regjimi pushtues në territorin palestinez për 74 vjet, është me të vërtetë e diskutueshme. Abbas tha: Ne i kërkojmë komunitetit ndërkombëtar të mos ndërveprojë me asnjë qeveri izraelite që nuk respekton vlerat dhe parimet e së drejtës ndërkombëtare. Më tej Mahmud Abbas theksoi: Ne i përmbahemi të drejtës së Palestinës për të qenë anëtare e Kombeve të Bashkuara dhe kërkojmë mbështetje ndërkombëtare për popullin palestinez. Kreu i Autoritetit Autonom Palestinez gjithashtu deklaroi: Ne qëndrojmë pranë Pekinit në mbështetjen e politikës së një Kine dhe vlerësojmë qëndrimet e prera të presidentit kinez në mbështetje të kombit palestinez.