Më shumë se 13 milionë qytetarë turq u prekën nga tërmeti

Ministri i mjedisit, zhvillimit urban dhe ndryshimeve klimatike i Turqisë bëri të ditur se më shumë se 13 milionë qytetarë të këtij vendi në 10 provinca janë prekur drejtpërdrejt nga tërmeti.

Një tërmet me magnitudë 7.8 të shkallës Rihter ka goditur zonat në jug të Turqisë dhe Sirinë veriore mëngjesin e djeshëm, duke shkaktuar vdekjen dhe plagosjen e mijëra njerëz. Si pasojë tërmetit në Turqi, mijëra ndërtesa janë shkatërruar.

Agjencia e lajmeve IRNA njoftoi se ministri i mjedisit i Turqisë, Murat Kurum, duke iu referuar shkatërrimit të gjerë të njësive të banimit në zonat e prekura nga tërmeti në jug të Turqisë, tha: "Për shkak të tërmetit të djeshëm, disa ndërtesa u shkatërruan plotësisht dhe disa u shkatërruan pjesërisht dhe disa të tjera janë dëmtuar nga tërmeti dhe u shkatërruan më pas nga lëkundjet e forta pasuese".

Ministri i mjedisit i Turqisë njoftoi bllokimin e disa rrugëve në jug të këtij vendi dhe tha: "Autostrada Osmanije-Gaziantep është e pashfrytëzuar pas tërmetit".

Ndërsa paralajmëroi qytetarët nga zonat e prekura nga tërmeti që të qëndrojnë larg objekteve të dëmtuara, Murat Kurum tha: "Duke pasur parasysh vazhdimin e pasgoditjeve, njerëzit duhet të qëndrojnë larg objekteve të dëmtuara".

Karim Kinik, kreu i Gjysmëhënës së Kuqe të Turqisë, ka kërkuar gjithashtu nga qytetarët e këtij vendi që të ndihmojnë viktimat e këtij aksidenti duke dhuruar gjak për ata, duke pasur parasysh nevojën urgjente për grupe gjaku".

Pas tërmetit të fuqishëm në Turqi, ku humbën jetën dhe u lënduan një numër i madh i njerëzve, në këtë vend është shpallur zi publike për një javë.