Vazhdojnë sulmet e koalicionit saudit në Hodeidah të Jemenit

Koalicioni saudit në 24 orët e fundit ka shkelur 151 herë armëpushimin në provincën Hodeida të Jemenit.

Sipas IRNA, dhoma e operacioneve të ushtrisë dhe komiteteve popullore jemenase njoftoi se këto shkelje përfshijnë fluturimin e një droni spiun në qiellin e rajonit "Hais", 61 sulme artilerie dhe 89 të shtëna me armë të ndryshme. Armëpushimi i rënë dakord në Suedi midis një delegacioni nga Sana'a dhe një delegacioni nga Riadi filloi më 18 dhjetor 2018 në provincën Hodeidah të Jemenit, por koalicioni saudit e shkel atë çdo ditë. Arabia Saudite, me mbështetjen e Shteteve të Bashkuara, Emirateve të Bashkuara Arabe dhe disa vendeve të tjera, që nga marsi i vitit 2015 ka nisur një agresion ushtarak kundër Jemenit dhe e ka bllokuar vendin nga toka, deti dhe ajri. Lufta e nxitur nga Arabia Saudite dhe aleatët e saj në Jemen deri më tani ka çuar në vdekjen e më shumë se gjashtëmbëdhjetë mijë jemenasve, plagosjen e dhjetëra mijëra njerëzve dhe zhvendosjen e miliona jemenasve të pafajshëm.