Me dhjetëra palestinezë u plagosën në sulmin e forcave sioniste

Burimet e lajmeve raportuan se me dhjetëra palestinezë u plagosën në një sulm të forcave sioniste ndaj protestuesve palestinezë në Bregun Perëndimor.

Në territoret e pushtuara vazhdon seria e veprimeve armiqësore të ushtrisë sioniste kundër qytetarëve palestinezë dhe ata çdo ditë sulmojnë zona të ndryshme të Palestinës për të arritur qëllimet e tyre ekspansioniste duke plagosur apo arrestuar shumë palestinezë. Sipas IRNA, protestuesit demonstruan kundër ndërtimit të vendbanimeve të regjimit sionist në vendbanimet "Beit Dejan" dhe "Bita" në provincën Nablus, vendbanimin "Kafr Qadoum" në provincën Kalkiljeh dhe "Al-Laban" në provincën Ramallah. Sipas këtij raporti, ushtarët sionistë sulmuan protestuesit, duke qëlluar me plumba realë dhe gaz lotsjellës, si pasojë e të cilave me dhjetëra palestinezë u plagosën. Gjithashtu, të premten, ushtarët sionistë sulmuan kampin Shuafat, qytetin al-Toor, qytetin Umm Touba dhe qytetin al-Ram në Kodsin e pushtuar. Një numër i palestinezëve gjithashtu brohoritën slogane në mbështetje të popullit të Jeninit dhe grupit të rezistencës Arin al-Asud në zonën Bab al-Amoud në Kodsin e pushtuar. Të drejtat e popullit të shtypur palestinez janë shtypur nga regjimi sionist për më shumë se shtatëdhjetë vjet. Gjatë kësaj kohe, regjimi pushtues i Kodsit ka kryer krime nga më brutalet kundër palestinezëve.