Delegacionet Arabisë Saudite dhe të Omanit shkojnë në Sana'a

Kanali informativ Al-Majadeen njoftoi se një delegacion i Arabisë Saudite dhe Omanit do të shkojë në Sana'a për të negociuar me Qeverinë e Shpëtimit Kombëtar të Jemenit.

Sipas Al-Mayadeen, një delegacion saudit i kryesuar nga Muhamed Al-Xhaber, ambasadori i Arabisë Saudite në Jemen, së bashku me një delegacion të Omanit, do të shkojnë në Sana'a në dy ditët e ardhshme.

Sipas këtij raporti, udhëtimi i delegacioneve të Arabisë Saudite dhe Omani bëhet për të përfunduar negociatat dhe bisedimet për armëpushimin dhe zgjatjen e tij.

Ndërkohë, Muhamed Al-Bakhiti, anëtar i zyrës politike të Qeverisë së Shpëtimit Kombëtar të Jemenit, konfirmoi marrëveshjen midis Sana'a dhe Arabisë Saudite dhe tha se Sana'a ende pret që Arabia Saudite të zbatojë këtë marrëveshje.

Al-Bakhiti deklaroi se marrëveshja e arritur ndërmjet Jemenit dhe Arabisë Saudite përfshin të gjitha rastet, qoftë për t'u larguar nga konflikti apo për të arritur një paqe të qëndrueshme dhe gjithëpërfshirëse dhe kjo është në interes të të dyja palëve.

Anëtari i zyrës politike të Qeverisë së Shpëtimit Kombëtar të Jemenit vuri në dukje se marrëveshja dhe zgjidhjet e arritura do të zbatohen në dy faza, njëra para Fitër Bajramit dhe tjetra në një kohë tjetër.