Takimi i Ismail Hanije me Sejed Hasan Nasrullah në Bejrut

Shefi i zyrës politike të Lëvizjes së Rezistencës Islamike të Palestinës (Hamas) u takua me sekretarin e përgjithshëm të Hezbullahut të Libanit në Bejrut.

Të mërkurën në mëngjes, forcat ushtarake sioniste sulmuan dhe arrestuan dhjetëra besimtarë myslimanë palestinezë në Xhaminë Al-Aksa. Ky agresion u shoqërua me reagime ndërkombëtare dhe rajonale.

Kanali televiziv Al-Menar njoftoi se Ismail Hanije, shefi i zyrës politike të Hamasit, këtë të diele në mëngjes, zhvilloi një takim me Sejed Hassan Nasrullah, sekretarin e përgjithshëm të Hezbollahut në Bejrut, diskutoi mbi zhvillimet më të rëndësishme në Palestinë dhe trendin e ngjarjeve në Xhaminë Al-Aksa dhe për rezistencën në rritje në Bregun Perëndimor dhe në Rripin e Gazës, si dhe zhvillimet e fundit rajonale.

Në këtë takim palët diskutuan edhe për përgatitjen e boshtit të rezistencës dhe bashkëpunimin me njëra-tjetrën për t'u përballur me kërcënimet dhe agresionin e regjimit sionist.

Ismail Hanije mbërriti në Bejrut, kryeqytetin e Libanit, të enjten e javës së kaluar në krye të një delegacioni.

Faqja sioniste informative "Vala" shkroi se takimi i Hanije me Sejed Hasan Nasrullah u zhvillua pas përshkallëzimit të tensioneve në të gjitha frontet dhe lëshimit të raketave nga Libani drejt Palestinës së pushtuar.

Të enjten në mbrëmje, mediat sioniste raportuan se nga Libani jugor u hodhën raketa në zonat e pushtuara.  Sipas këtyre mediave, më shumë se 100 raketa janë hedhur nga Libani jugor.