Një dron amerikan u rrëzua në Irak

Një burim mediatik raportoi për shkatërrimin e një droni zbulues amerikan në provincën Kirkuk të Irakut.

Pavarësisht zhvillimit të disa raundeve të negociatave strategjike midis Bagdadit dhe Uashingtonit për t'i dhënë fund pranisë ushtarake amerikane në Irak për shkak të përfundimit të betejës me ISIS-in dhe miratimit të planit për dëbimin e të gjithë ushtarëve të huaj nga territori irakian në Parlamentin e këtij vendi, Shtetet e Bashkuara të Amerikës ende shkelin këtë rezolutë në Irak.

Kanali "Sabirin News" në rrjetin social Telegram njoftoi në një raport se një dron zbulues gri amerikan MQ1 u rrëzua nga një raketë tokë-ajër në jug të provincës Kirkuk në veri të Irakut.

Sipas këtij raporti, ky dron po kryente një mision zbulimi në rajonet Amerli dhe Al-Duzi, i cili u shkatërrua, por ende nuk janë publikuar detajet e këtij incidenti dhe autorëve të këtij sulmi ndaj dronit amerikan.

Nga ana tjetër, ushtria amerikane krijoi një rrip sigurie rreth zonës së përplasjes për të mbledhur rrënojat e dronit.

Koalicioni amerikan në një deklaratë pohoi se ky dron po mbështeste forcat irakiane të sigurisë, i cili u rrëzua për shkak të një shkelje teknike në jug të Kirkukut.

Sipas deklaratës, forcat e koalicionit amerikan shkatërruan gjithashtu dronin e rrëzuar me një shpërthim të kontrolluar.

Gjithashtu, në një lajm tjetër, është raportuar një fluturim i paprecedentë i dronëve amerikanë mbi kryeqytetin e Irakut.