Herzog reagon ndaj propozimeve për dorëheqje

Presidenti i regjimit sionist e cilësoi situatën aktuale në Tel Aviv si shumë kritike dhe tha se në këtë situatë ai ka refuzuar propozimet për të dhënë dorëheqje.

Kanali informativ Al Jazeera njoftoi se me vazhdimin e krizës së brendshme dhe situatës kaotike në Palestinën e pushtuar, Isaac Herzog, presidenti i regjimit sionist, theksoi se kjo është kriza e brendshme më e rëndë në historinë e regjimit sionist dhe ka prekur shumë sektorë.

Presidenti i regjimit sionist vuri në dukje gjithashtu se atij i është propozuar dorëheqja në mes të krizës së brendshme, por ai tha: “Unë hodha poshtë propozimet e dorëheqjes sime, sepse nuk më dukej e drejtë të jepja dorëheqje në këtë situatë".

Isaac Herzog, presidenti i regjimit sionist, i cili ka përsëritur fjalët e tij lidhur me krizën e brendshme të regjimit sionist gjatë muajve të fundit, kishte thënë më parë se "mosmarrëveshjet aktuale në Izrael për reformat ligjore janë të rrezikshme për ne dhe këto mosmarrëveshje mund të kenë edhe pasoja diplomatike edhe ekonomike së bashku me rreziqet sociale dhe të sigurisë për Izraelin".

Muajin e kaluar, Isaac Herzog njoftoi se regjimi sionist po përballet me një krizë historike që kërcënon të shembet nga brenda.

Ekspertët ligjorë, ekonomistë dhe ish-zyrtarë të sigurisë dhe ekonomisë, duke përfshirë të besuarit dhe të emëruarit e Netanjahut, kanë paralajmëruar se propozimet gjyqësore të qeverisë Netanjahu mund të kenë pasoja të rënda diplomatike dhe ekonomike për Tel Avivin.