Sfidat e Izraelit pas Ramazanit

Vlerësimet e qarqeve të sigurisë dhe ushtarake të regjimit sionist tregojnë se në kuadër të zhvillimeve të fundit në konfliktin me rezistencën, ky regjim pas muajit të shenjtë të Ramazanit po përballet me një fazë të vështirë dhe të ndërlikuar dhe duhet të bëjë të gjitha përpjekjet për të shmangur luftën me shumë fronte.

Duke iu referuar sulmit të fundit me raketa nga Libani ndaj pozicioneve të regjimit sionist, Kanali 12 i regjimit sionist shkruan: Izraeli pas përfundimit të Ramazanit po përgatitet për një periudhë të ndërlikuar dhe të rrezikshme. Rrjeti sionist shtoi: "Pas Ramazanit, al-Sanwar [kreu i zyrës politike të Hamasit në Rripin e Gazës] do të forcojë fuqishëm strategjinë e fronteve të shumta [të luftës] dhe kjo do të ndryshojë rregullat e përballjes me regjimin sionist." Kohët e fundit, ulja e fuqisë frenuese të regjimit sionist është një temë që është diskutuar shumë në qarqet izraelite.  Kjo fuqi e regjimit sionist është përkeqësuar që nga lufta e korrikut 2006 me Hezbollahun në Liban dhe ka vazhduar përkeqësimin deri në betejën e Shpatës së Kodsit në maj 2021. Mirëpo që kur kabineti i ekstremit të djathtë të Benjamin Netanyahu mori detyrën, fuqia parandaluese e regjimit sionist pësoi një çarje të thellë dhe të paparë; Siç thonë zyrtarë dhe ekspertë ushtarakë të këtij regjimi, kjo çarje do të çojë në shkatërrimin e fuqisë parandaluese të Izraelit.  Ditë më parë kufijtë e përbashkët mes territoreve të pushtuara të Palestinës dhe Libanit dëshmuan lëshimin e dhjetëra raketave nga toka libaneze drejt "Al-Jalil", veprim që ishte në përgjigje të agresionit të kolonëve sionistë kundër xhamisë Al-Aksa. Rezistenca palestineze gjithashtu me sulme me raketa shënjestroi vendbanimet përreth Rripit të Gazës. Instituti Strategjik dhe i Sigurisë së Brendshme i regjimit izraelit në Kodsin e pushtuar duke publikuar një raport njoftoi se armiqtë e Izraelit dita ditës po fitojnë më shumë besim dhe presin që tensionet e brendshme të Izraelit të çojnë në kolapsin e tij nga brenda.  Të gjitha këto zhvillime janë të rrezikshme, ndërkohë që për shkak të ndryshimit të ekuilibrave rajonalë dhe globalë, hapësira strategjike e Izraelit po bëhet më e ngushtë dhe më problematike se në dekadat e mëparshme. Qarqet e sigurisë dhe ato ushtarake të Izraelit gjithashtu arritën në vlerësimet e tyre se që nga beteja e "Shpata e Kodsit" në maj 2021 niveli i koordinimit dhe bashkëpunimit midis fronteve të rezistencës libaneze dhe palestineze është zgjeruar në një mënyrë të paprecedentë.  Autoritetet e regjimit pushtues besojnë se ekuacionet e konfliktit dhe luftës kanë ndryshuar dhe politika e këtij regjimi për të ndarë frontet dhe zonat e Palestinës dhe të gjithë rezistencës kanë qenë krejtësisht të kota. Në këtë kontekst, Yoav Gallant, ministri i luftës i regjimit pushtues, paralajmëroi se koha e luftës në një front ka mbaruar dhe ushtria duhet të përgatitet për luftë në disa fronte. Së bashku me grupet tradicionale të rezistencës si Hamasi dhe Xhihadi Islamik, shumica e grupeve të reja të rezistencës palestineze nuk janë nga Gaza; Përkundrazi, ata kanë zgjeruar frontin e konfliktit në Bregun Perëndimor dhe fokusi i tyre operacional është brenda territoreve të pushtuara, kufijve të vitit 1948 dhe madje edhe në Kods dhe në buzë të shtëpisë së sionistëve. Ndër këto grupe mund të përmendim: Brigada Jenin, brigada Tulkarem, Saqour al-Karamah dhe Arin al-Asud. Tani, rezistenca, brenda dhe jashtë, kërkon të vendosë qendrën e Kodsit si një temë kombëtare dhe islame që mund të mobilizojë të gjitha frontet kundër armikut sionist dhe të pengojë përpjekjet e regjimit pushtues për të jahudizuar Kodsin dhe për të ndarë xhaminë Al-Aksa në kohë dhe vend.