Ushtria siriane vazhdon luftën me mbetjet e ISIS

Një burim lajmesh raportoi për luftimet e ashpra të ushtrisë siriane me mbetjet e grupit terrorist ISIS dhe vrasjen e një numri terroristësh.

Grupi terrorist ISIS së fundmi ka kryer sulme kundër bazave të ushtrisë siriane, të cilat rezultuan me vrasjen dhe plagosjen e disa personave.

Ushtria siriane gjithashtu vazhdon operacionet e veta kundër mbetjeve të grupit terrorist ISIS.

Sipas gazetës Al-Watan, një burim në terren njoftoi se ushtria siriane, në kundërpërgjigje të sulmit të grupit ISIS, kreu sulme kundër terroristëve të këtij grupi në shkretëtirën Etheria dhe në perëndim të provincës Dejr Al-Zur, si dhe në lindje të provincës Raka.

Sipas këtij raporti, sulmet e ushtrisë siriane çuan në vrasjen dhe plagosjen e një numri të madh të terroristëve të ISIS dhe disa prej tyre u arratisen thellë në shkretëtirë.

Ushtria siriane njoftoi gjithashtu se elementët e ISIS sulmuan një bazë ushtarake siriane në shkretëtirën perëndimore të Dejr El-Zur dhe u zhvilluan përleshje të ashpra midis dy palëve.

Në këto përleshje të ashpra u vranë një numër i madh i terroristëve të ISIS ndërsa humbën jetën edhe dy ushtarë të ushtrisë siriane.