Qindra kolonë sionistë sulmojnë xhaminë Al-Aksa

Burimet e lajmeve raportuan për sulmin e qindra kolonëve sionistë në xhaminë Al-Aksa.

Sipas agjencisë turke të lajmeve Anatolia, kreu i Departamentit të Vakfeve të Kodsit të mërkurën tha se 343 kolonë sionistë sulmuan Xhaminë Al-Aksa nga hyrja e Bab al-Maghreb. Grupet ekstremiste sioniste bënë thirrje për një sulm në shkallë të gjerë në xhaminë Al-Aksa, me rastin e të ashtuquajturit përvjetor i shkatërrimit të tempullit të Sulejmanit. Nga ana tjetër, Itamar Ben Guer, ministri i Sigurisë së Brendshme të regjimit sionist me një numër kolonësh, edhe një herë ka sulmuar xhaminë Al-Aksa nga hyrja e Bab al-Qatanin. Fadi al-Hadmi, Ministri i Çështjeve të Kodsit i kabinetit të Autoritetit Palestinez, tha: "Grupet e djathta ekstremiste duke shkelur statusin historik dhe legjitim të xhamisë Al-Aksa dhe me ftesën për përdhosjen e xhamisë Al-Aksa duke kryer ritualet fetare, synojnë të krijojnë një konflikt fetar. Kolonët sionistë po sulmojnë këtë vend të shenjtë me qëllim ndarjen kohore dhe territoriale të xhamisë Al-Aksa dhe po përpiqen të ndryshojnë statusin e këtij vendi të shenjtë. Luftëtarët palestinezë kanë theksuar se xhamia Al-Aksa është vija e tyre e kuqe dhe çdo sulm ndaj saj do të përballet me një përgjigje të fortë.