Izraeli ka vrarë 37 fëmijë palestinezë që nga fillimi i vitit
Një organizatë ndërkombëtare dhe e pavarur për të drejtat e fëmijëve tha se forcat ushtarake izraelite kanë vrarë më shumë se 30 fëmijë palestinezë gjatë inkursioneve të veçanta në Bregun Perëndimor të pushtuar dhe në Rripin e Gazës që nga fillimi i vitit 2023.
Ayed Abu Qutaish, drejtor i Programit të Përgjegjshmërisë në organizatën Defense for Children International, tha të shtunën se trupat izraelite kanë vrarë 31 fëmijë në Bregun Perëndimor dhe gjashtë të tjerë në Gaza këtë vit. Ai i tha radiostacionit zyrtar Zëri i Palestinës se autoritetet izraelite po mbajnë të burgosur 160 fëmijë, duke përfshirë 21 të mbajtur në paraburgim administrativ pa akuza ose gjyq dhe bazuar në të ashtuquajturat prova sekrete. Abu Qutaish tha se vrasja dhe arrestimi i fëmijëve palestinezë janë përshkallëzuar në një mënyrë të paprecedentë, duke shtuar se komuniteti ndërkombëtar nuk ofron mbrojtje për fëmijët palestinezë dhe nuk e mban regjimin sionist përgjegjës për krimet e tij. Më shumë se 200 palestinezë janë vrarë këtë vit në territoret e pushtuara palestineze dhe në Gaza. Shumica e këtyre viktimave janë regjistruar në Bregun Perëndimor.
