Emërimi i ambasadorit të parë të Arabisë Saudite në Palestinë

Në një lëvizje të paprecedentë, Arabia Saudite ka zgjedhur një diplomat si ambasador jorezident për çështjet palestineze.

Sipas agjencisë së lajmeve Shahab, letrat kredenciale të Nayef al-Sudairi i janë dorëzuar të shtunën në Aman, kryeqyteti i Jordanisë, këshilltarit të jashtëm të Mahmud Abbas, Majdi Al-Khalidi. Kjo ka ndodhur dje në selinë e ambasadës palestineze në Jordani. Pas këtij takimi, Al-Khaldi tha: Ne e mirëpresim ambasadorin saudit dhe theksojmë se ky është një hap i rëndësishëm që ndihmon në forcimin e marrëdhënieve të forta dhe solide të të dy vendeve dhe kombeve vëllazërore. Veprimi, i cili nga mediat izraelite konsiderohet si një “hap paraprak” nga Riadi për të shqyrtuar kushtet e marrëveshjes, sipas së cilës Izraeli dhe Arabia Saudite do të vendosin marrëdhënie politike me ndërmjetësimin e Shteteve të Bashkuara. Ndërkohë, një zyrtar izraelit tha se marrëveshja me Arabinë Saudite është shumë në përputhje me interesat e Shteteve të Bashkuara dhe Uashingtoni po bën përpjekje të gjera në këtë drejtim dhe një marrëveshje e tillë mes Izraelit dhe Arabisë Saudite është shumë e rëndësishme për Shtetet e Bashkuara, veçanërisht në fushën e konkurrencës me Kinën dhe dominimin e zonave të mëdha në Azinë Perëndimore. Pak ditë më parë, gazeta amerikane Wall Street Journal në një raport ekskluziv shkruante se një pjesë e marrëveshjes që Shtëpia e Bardhë kërkon të finalizojë mes Izraelit dhe Arabisë Saudite lidhet me kërkesën e Riadit për krijimin e një shteti të pavarur palestinez.