8 mijë fëmijë jemenas kanë vdekur që nga fillimi i luftës

Al-Dilami, Ministër i të Drejtave të Njeriut në Qeverinë e Shpëtimit Kombëtar të Jemenit, tha: Që nga fillimi i luftës së koalicionit saudio-emiratas kundër Jemenit, tetë mijë fëmijë jemenas kanë humbur jetën gjatë sulmeve të drejtpërdrejta nga forcat e këtij koalicioni.

Sipas agjencisë së lajmeve Fars, Ali Al-Dilami, Ministër i të Drejtave të Njeriut në Qeverinë e Shpëtimit Kombëtar të Jemenit me bazë në Sana, shtoi: "Koalicioni saudit vazhdon të kryejë krime kundër fëmijëve jemenas". Duke thënë se vrasja direkte dhe indirekte e fëmijëve jemenas vazhdon, Al-Dilami theksoi se institucionet ndërkombëtare të të drejtave të njeriut nuk kanë ndërmarrë asnjë veprim për fëmijët jemenas dhe kjo çështje ka shkaktuar skandal në këto institucione. Arabia Saudite, me mbështetjen e Shteteve të Bashkuara, Emirateve të Bashkuara Arabe dhe disa vendeve të tjera, ka kryer agresion ushtarak kundër Jemenit që nga marsi i vitit 2015 dhe ka bllokuar vendin nga toka, deti dhe ajri. Nisja e luftës e Arabisë Saudite dhe aleatëve të saj në Jemen ka çuar në vdekjen dhe plagosjen e qindra mijëra jemenasve dhe zhvendosjen e më shumë se 4 milionë njerëzve.