Largimi i izraelitëve nga shërbimi ushtarak është intensifikuar

Rezultatet e një sondazhi të ri të komunitetit sionist tregojnë se izraelitët po largohen nga shërbimi në ushtrinë e këtij regjimi.

Sipas Al-Mayadin të hënën, rezultatet e një sondazhi të ri treguan se të paktën 40% e komunitetit sionist mirëpret heqjen e shërbimit ushtarak. Në këtë sondazh, pjesëmarrësit u pyetën nëse do të mirëprisnin heqjen e shërbimit ushtarak për rrymën Haredi (çifutët ortodoksë ekstremë) dhe 40% e pjesëmarrësve janë përgjigjur pozitivisht për këtë pyetje. Tal Liv Ram, gazetar i gazetës Maariv, i cili publikoi rezultatet e këtij sondazhi, tha: Shumë izraelitë besojnë se nëse shërbimi ushtarak anulohet për lëvizjen Haredi, ky shërbim ushtarak duhet të anulohet edhe për ta. Çështja e anulimit të shërbimit ushtarak për rrymën Haredi është kthyer në një polemikë mes sionistëve në një situatë ku analistët sionistë, duke bërë të ditur rrezikun, kanë theksuar se çdo vendim për ligjin e shërbimit ushtarak do të bëjë që ushtria të shembet, sepse në këtë rast, pjesa tjetër e klasave hebreje, përveç Haredi, e konsiderojnë të drejtë të refuzojnë shërbimin ushtarak. Ndërkohë, ministri i Strehimit i regjimit sionist tha së fundmi se nëse nuk miratohet ligji për anulimin e shërbimit ushtarak për rrymën Haredi, kabineti i Netanyahut do të bjerë.