Aspektet ushtarake dhe inteligjente të operacionit të stuhisë Al-Aksa

Grupet e rezistencës palestineze me bazë në Rripin e Gazës, Lëvizja Hamas, së bashku me lëvizjet e tjera palestineze, veçanërisht lëvizjen e Xhihadit Islamik Palestinez, filluan të shtunën operacionin Stuhia Al-Aksa kundër regjimit sionist, më 7 tetor 2023, i cili tronditi sionistët.

Operacioni i së shtunës nga grupet e rezistencës palestineze është i paprecedentë dhe metodat inteligjente, ushtarake dhe taktike të përdorura në të, si dhe disa pajisje ushtarake dhe armë të përdorura në këtë operacion janë shumë të ndryshme nga betejat e kaluara. Guximi dhe kreativiteti që grupet palestineze kanë dëshmuar në këtë operacion ka nxjerrë në pah dimensione të reja mundësish për këtë front të rezistencës dhe dobësitë e palës tjetër. Sulmet e grupeve të rezistencës palestineze u kryen në dimensione tokësore, ajrore dhe detare dhe mbuluan të gjitha zonat përreth Rripit të Gazës duke sulmuar 50 baza ushtarake të regjimit sionist dhe vendbanimet sioniste përreth Gazës. Sipas njoftimit të Ministrisë sioniste të Shëndetësisë, 750 sionistë janë vrarë, 1864 janë plagosur dhe 750 janë të zhdukur. Një nga karakteristikat e rëndësishme të këtij operacioni ishte respektimi i plotë i parimit të befasisë, i cili u simbolizua nga papërgatitja e ushtrisë sioniste për t'u përballur me luftëtarët palestinezë. Nathan Sacks, kreu i departamentit të Lindjes së Mesme të institutit amerikan Brookings, pranoi se gatishmëria e Brigadave Ezedin Kasam, dega ushtarake e Lëvizjes së Rezistencës Islamike Palestineze (Hamas), është e habitshme. Në një artikull, gazeta amerikane Wall Street Journal i quajti sulmet e Hamasit ndaj Izraelit "një surprizë e madhe" dhe i përshkroi ato si një humbje të madhe për ushtrinë dhe agjencitë e inteligjencës izraelite. Brian Katolis, një anëtar i lartë i Institutit të Lindjes së Mesme në Uashington, thotë: “Ky ishte qartë një operacion i planifikuar mirë që nuk ndodhi brenda natës dhe është e habitshme që nuk u zbulua nga Izraeli apo ndonjë prej partnerëve të tij të sigurisë. Është e vështirë të pranosh një disfatë kaq të madhe historike. Në aspektin ushtarak, grupet e rezistencës palestineze përdorën të gjitha llojet e armëve të reja. Një nga rastet e rëndësishme në këtë fushë është përdorimi i kuadrokopterëve të pajisur me predha mortajash të cilat janë përdorur me efikasitet për shkatërrimin e tankeve, armëve dhe personelit të armikut. Përdorimi i armëve taktike ka bërë që tanket izraelite Merkava të shkatërrohen lehtësisht për shkak të një sulmi nga lart, pavarësisht se kanë një sistem mbrojtës aktiv për t'u përballur me raketat anti-tank. Përdorimi i dronëve vetëvrasës për të sulmuar pajisjet ushtarake dhe të gjitha llojet e raketave që janë lëshuar në mijëra, ka krijuar konfuzion në sistemin e Kupolës së Hekurt të regjimit sionist dhe për këtë arsye, një numër i madh i këtyre raketave kanë goditur zona të ndryshme të Palestinës së pushtuar, duke përfshirë Tel Avivin. Mund të thuhet se operacioni Stuhia Al-Aksa jo vetëm që ka ndryshuar ekuilibrin mes grupeve të rezistencës palestineze dhe Izraelit, por ka qenë edhe një pikë kthese në proceset ushtarake, inteligjente dhe në konfliktin mes palestinezëve dhe regjimit sionist.