Izraeli godet Gazën, urdhëron 'rrethimin e plotë'

Izraeli ka shtuar goditjet e tij të egra mbi Rripin e rrethuar të Gazës, ndërsa trupat e tij përpiqeshin të spastronin luftëtarët e Hamasit më shumë se dy ditë pasi ata shpërthyen gardhin nga Gaza dhe pushtuan bazat izraelite.

Shefi i Pentagonit, Lloyd Austin tha se ai ka urdhëruar grupin e sulmit të aeroplanmbajëtëses Ford të lundrojë në Mesdheun Lindor për të qenë gati për të ndihmuar Izraelin. Avionët luftarakë izraelitë bombarduan një lagje me popullsi të dendur në kampin e refugjatëve Xhabalia në Bregun Perëndimor të pushtuar. Ministria e Shëndetësisë në Gaza tha se numri i të vdekurve nga sulmet izraelite kishte arritur në 510, duke përfshirë 91 fëmijë dhe 61 gra, dhe 2,751 të tjerë të plagosur. Në një deklaratë, forcat ajrore izraelite thanë se kishin hedhur rreth 2,000 raketa dhe më shumë se 1,000 ton bomba në Gaza në 20 orët e fundit. “Objektivat ushtarake të armikut sionist dhe bombardimet e shtëpive të banuara nga gra dhe fëmijë, xhamitë dhe shkollat në Gaza përbëjnë krime lufte dhe terrorizëm”, tha në një deklaratë zyrtari i Hamasit, Izzat Reshik. Ndërprerjet e energjisë i lanë spitalet dhe objektet mjekësore në një situatë të rëndë, mes mungesës së ilaçeve dhe pajisjeve mjekësore. Sulmet izraelite kanë çuar gjithashtu në zhvendosjen e më shumë se 123,000 njerëzve në Rripin e Gazës, sipas Kombeve të Bashkuara. “Mbi 123,538 njerëz janë zhvendosur brenda në Gaza, kryesisht për shkak të frikës, shqetësimeve për mbrojtjen dhe shkatërrimit të shtëpive të tyre”, tha të hënën agjencia humanitare e OKB-së, OCHA. Gaza, shtëpia e mbi dy milionë palestinezëve, ka qenë nën rrethimin izraelit që nga qershori 2007. Bllokada e rreptë ka shkaktuar një rënie të standardeve të jetesës, si dhe nivele të paprecedenta të papunësisë dhe varfërisë. Ministri izraelit i Çështjeve Ushtarake Yoav Gallant tha të hënën se Izraeli po përshkallëzon masat kundër Rripit të Gazës në një "bllokadë totale" duke përfshirë një ndalim të ushqimit dhe karburantit, duke e përshkruar këtë si pjesë të një beteje kundër "njerëzve kafshë". "Ne po vendosim një rrethim të plotë në Gaza... Pa energji elektrike, pa ushqim, pa ujë, pa gaz -- është e gjitha e mbyllur," tha Gallant në një video-mesazh, duke iu referuar enklavës që është e mbipopulluar me 2.3 milionë njerëz. Hamasi ka thënë se operacioni befasues dhe i paprecedentë i quajtur Stuhia Al Aksa erdhi si përgjigje ndaj krimeve të Izraelit kundër palestinezëve në territoret e pushtuara, bllokadës 16-vjeçare të Gazës dhe krimeve të regjimit sionist në xhaminë al-Aksa.