Deklarata e një armëpushimi 4-ditor në Gaza

Lëvizja e Rezistencës Islamike Palestineze "Hamas", pas negociatave të vështira, të ndërlikuara dhe të gjata, në një deklaratë njoftoi se me ndihmën e Zotit të Madhërishëm dhe përpjekjet e mëdha të Katarit dhe Egjiptit, bien dakord për një armëpushim humanitar ( armëpushim i përkohshëm) për 4 ditë.

Sipas agjencisë së lajmeve Fars, Hamasi në vazhdim të deklaratës së saj shpalli kushtet e kësaj marrëveshjeje, sipas së cilës përleshjet nga të dyja palët, aktivitetet ushtarake të ushtrisë sioniste në të gjitha zonat e Gazës dhe lëvizja e automjeteve të blinduara të këtij regjimi në Gaza duhet të ndalet. Sipas kësaj marrëveshjeje, qindra kamionë që transportojnë ndihma humanitare, ndihma mjekësore dhe karburant do të hyjnë pa përjashtim në të gjitha zonat e Gazës. 

Hamasi shtoi: 50 gra dhe fëmijë izraelitë nën moshën 19 vjeç do të lirohen kundrejt 150 grave dhe fëmijëve palestinezë nën moshën 19 vjeç që mbahen peng nga regjimi sionist. Në vazhdim të kësaj marrëveshjeje thuhet: Sulmet dhe fluturimet e avionët luftarak dhe dronëve të regjimit sionist do të ndalen gjatë katër ditëve të armëpushimit në jug dhe në veri të Gazës dhe kjo do të nisë nga ora 10:00 deri në orën 4: 00 pasdite. Hamasi ka theksuar se gjatë periudhës së armëpushimit, regjimi okupues është zotuar të mos sulmojë askënd në të gjitha zonat e Rripit të Gazës dhe njerëzit do të kenë lirinë të kalojnë nga veriu i Gazës në jug përgjatë rrugës Salah al-Din. Lëvizja e Rezistencës Islame Palestineze shtoi: Dispozitat e kësaj marrëveshjeje u përpiluan në bazë të këndvështrimit të rezistencës dhe kërkesave të saj, qëllimi i së cilës ishte t'i shërbente popullit dhe të forconte stabilitetin e tyre kundrejt agresionit të regjimit sionist, ndërkohë që rezistenca gjithmonë u ka kushtuar vëmendje sakrificave, vuajtjeve dhe shqetësimeve të popullit palestinez. Me gjithë përpjekjet e pushtuesve për ta zgjatur dhe shtyrë luftën, është rezistenca ajo që thotë fjalën e fundit. Në fund të deklaratës së Hamasit thuhet: Ndërsa shpallim arritjen e marrëveshjes së armëpushimit, theksojmë se duart tona do të qëndrojnë në këmbëz dhe batalionet tona fitimtare janë gati të mbrojnë kombin tonë dhe të mposhtin pushtuesit. Duhet theksuar se të gjithë ministrat e kabinetit të regjimit sionist, me përjashtim të tre ministrave të partisë Utsama Yehudith të kryesuar nga Itmar Ben Gover, votuan pro planit për shkëmbimin e të burgosurve dhe vendosjen e një armëpushimi të përkohshëm. Benjamin Netanyahu, i cili është nën presionin e familjeve të pengjeve izraelite për shkak të mos lirimit të pengjeve përmes operacioneve ushtarake, para mbledhjes së kabinetit të këtij regjimi për shqyrtimin përfundimtar të marrëveshjes së përkohshme të armëpushimit tha: Kabineti po përballet me një vendim të  vështirë dhe ky është vendimi i duhur.