Regjimi sionist është kapur në një spirale kolapsi

Një anëtar i parlamentit libanez tha se ka prova të forta se regjimi izraelit është zhytur në krizë dhe është kapur në një spirale kolapsi që e bën shkatërrimin e tij të pashmangshëm.

Mohammad Raad, kreu i bllokut Besnikëria ndaj Rezistencës - fraksioni i Hezbollahut në parlament – i bëri komentet teksa iu drejtua pjesëmarrësve në një ceremoni për të përkujtuar disa anëtarë të Hezbollahut të vrarë në sulmet izraelite në Libanin jugor.

Raad tha se Izraeli po dobësohej pavarësisht mbështetjes së pakushtëzuar nga Perëndimi, duke theksuar se autoritetet e regjimit janë konfuzë, nuk kanë plane për të arritur qëllimet e tyre të deklaruara për Gazën dhe po mbjellin frikë kundër Libanit.

"Armiku sionist kërcënon të fillojë një luftë masive dhe përdor opsione ushtarake kur nuk arrin të realizojë qëllimet e tij, të kënaqë kërkesat e tij dhe të akomodojë iluzionet e tij," tha ai.

“Me kërcënime të tilla, sionistët synojnë të detyrojnë popullsinë që jeton në Libanin jugor të zhvendoset”, theksoi ai.

Raad vuri në dukje se delegacionet perëndimore po udhëtonin në Liban me shpresën për të bindur Hezbollahun që të mos merrte masa hakmarrëse.

Ai shtoi: “Ne nuk duam ta zgjerojmë luftën, por duam që agresioni në Gaza të ndalet. Ne nuk do të jemi në favor të asnjë negociate derisa Izraeli të përfundojë sulmet e tij në territorin palestinez".