Regjimi sionist sulmon Gazën dhe Libanin me bomba fosfori

Mediat kanë raportuar për një sulm të regjimit sionist me bomba të ndaluara në veri të Gazës dhe jug të Libanit.

Sipas Isna, ndërsa kanë kaluar më shumë se 100 ditë nga sulmet e regjimit sionist në Gaza, dimensionet e krimeve të luftës të Tel Avivit vazhdojnë të zgjerohen. Mediat palestineze të dielën raportuan se avionët luftarakë izraelitë shënjestruan kampin Jabalia në veri të Rripit të Gazës me bomba të ndaluara që përmbajnë fosfor të bardhë. Pas këtij sulmi, një zjarr i madh shpërtheu në shtëpitë dhe punishtet palestineze në këtë zonë. Në sulmet në Gaza, regjimi sionist deri më tani ka martirizuar rreth 25 mijë persona dhe sipas statistikave shumica e tyre janë fëmijë dhe gra. Mediat kanë raportuar edhe për veprimin e regjimit sionist në shënjestrimin e qytetit “Houla” në jug të Libanit me bomba me fosfor të bardhë. Rrjeti “Al-Mayadeen” gjithashtu raportoi se ushtria sioniste sulmoi zonat në jug të Libanit duke përdorur dronë, tanke dhe mitralozë të rëndë. Libani dhe Palestina e pushtuar kanë qenë skena të shkëmbimit të zjarrit midis rezistencës libaneze dhe regjimit sionist që nga fillimi i operacionit të stuhisë Al-Aksa më 7 tetor.