Netanyahu pranon mosmarrëveshjet me Amerikën

Pasi ministri i linjës së ashpër i sigurisë së brendshme të regjimit sionist kritikoi presidentin amerikan, edhe kryeministri i këtij regjimi pranoi ekzistencën e mosmarrëveshjeve mes Uashingtonit dhe Tel Avivit.

Sipas rrjetit Al-Jazeera, kryeministri izraelit Benjamin Netanyahu në përgjigje të deklaratave të disa zyrtarëve izraelitë në lidhje me shkarkimin e Itamar Ben Gvir, ministrit të linjës së ashpër të sigurisë së brendshme të këtij regjimi, tha: Unë nuk kam nevojë për ndihmë në menaxhimin e marrëdhënieve me Shtetet e Bashkuara.

Netanyahu shtoi: “Ne vlerësojmë mbështetjen e qeverisë amerikane të udhëhequr nga Joe Biden dhe kjo nuk do të thotë se nuk kemi dallime. Nëse Donald Trump do të ishte presidenti i këtij vendi, situata do të ishte krejtësisht ndryshe dhe shumë më e mirë".

Në një intervistë për gazetën amerikane Wall Street Journal, ministri ekstremist sionist Itamar Ben Gvir shtoi: "Në vend që të na mbështesë plotësisht, presidenti amerikan Joe Biden kërkon të ofrojë ndihmë humanitare dhe të dërgojë karburant për popullin e Gazës, dhe nëse Trump do të ishte në pushtet, sjellja e Amerikës do ishte krejtësisht e ndryshme në këtë drejtim".

Gvir i tha gazetës amerikane se kryeministri izraelit Benjamin Netanyahu është në një udhëkryq, dhe “duhet të zgjedhë se në cilin drejtim të shkojë”, por se ai vetë nuk ka ndërmend të japë dorëheqjen nga qeveria aktuale, megjithëse ka deklaruar vazhdimisht se do ta bëjë këtë.

Ndërsa Izraeli dhe SHBA po përpiqen të arrijnë një marrëveshje për lirimin e pengjeve izraelitë të mbajtur në Gaza, një nga pengesat më të mëdha mund të jetë ministri ekstremist Ben Gvir.

Që nga fillimi i luftës në Gaza, zyrtarët e administratës së Bidenit, duke mbështetur plotësisht regjimin sionist, kanë theksuar gjithmonë shmangien e ekstremizmit kundër popullit palestinez në Gaza dhe në Bregun Perëndimor, sepse ata janë të shqetësuar për fillimin e një intifade të re në territoret e pushtuara.