Shefi i OBSH: Situata në Gaza çnjerëzore, armëpushim tani

Organizata Botërore e Shëndetësisë (OBSH) ka ngritur alarmin për situatën çnjerëzore humanitare në Gaza, e cila vazhdon të përkeqësohet pasi bombardimet e Izraelit vazhdojnë në territorin e rrethuar.

Shefi i OBSH-së Tedros Adhanom Ghebreyesus bëri thirrje për ndalimin e menjëhershëm të luftës së regjimit sionist në brezin e rrethuar me popullsi të dendur dhe kërkoi akses të papenguar për ndihmën ndërkombëtare në Gaza.

"Gaza është bërë një zonë vdekjeje. Pjesa më e madhe e territorit është shkatërruar," tha Ghebreyesus.

Tedros Adhanom Ghebreyesus tha: "Në çfarë lloj bote jetojmë kur njerëzit nuk mund të marrin ushqim dhe ujë, ose ku njerëzit që nuk mund të ecin as nuk janë në gjendje të marrin kujdes mjekësor?"

Kreu i agjencisë shëndetësore të OKB-së kritikoi gjithashtu forcat ushtarake të regjimit izraelit për bombardimin e spitaleve dhe objekteve mjekësore në Gaza.

"Në çfarë lloj bote jetojmë ne kur spitalet duhet të mbyllen sepse nuk ka më energji apo ilaçe për të ndihmuar në shpëtimin e pacientëve dhe ata janë në shënjestër të forcave ushtarake?", ngriti pyetjen Shefi i OBSH-së Tedros Adhanom Ghebreyesus.