Dështon propaganda kundër Hamasit/ Rritet popullariteti i kësaj lëvizjeje në Gaza

Me gjithë propagandën e gjerë të mediave perëndimore dhe hebraike dhe disa mediave arabe, sondazhet tregojnë se një shumicë e konsiderueshme e banorëve të Rripit të Gazës janë të kënaqur me performancën e Lëvizjes së Rezistencës Islamike Palestineze (Hamas).

Qendra e Kërkimeve Politike Palestineze kreu një sondazh dhe raportoi një rritje të nivelit të kënaqësisë së palestinezëve me performancën e lëvizjes Hamas gjatë sulmit ndaj Rripit të Gazës nga ushtria pushtuese sioniste.  Sipas këtij sondazhi, më shumë se 70% e banorëve të Gazës janë të kënaqur me performancën e Hamasit. Pas operacionit të stuhisë al-Aksa më 7 tetor, i cili shënoi disfatën më të rëndë në historinë e regjimit sionist, ky regjim, gjatë kryerjes së gjenocidit në Gaza, me propagandë u përpoq ta kthente gjenocidin si mbrojtje legjitime dhe të shpallte Hamasin si shkakun kryesor të situatës aktuale. Kësaj propagande të gjerë iu bashkuan edhe Shtetet e Bashkuara dhe disa vende evropiane. Përfaqësuesi amerikan në Kombet e Bashkuara në mbledhjen e Këshillit të Sigurimit pretendoi se gjenocidi në Gaza është rezultat i sulmeve të Hamasit dhe dhunës kundër Izraelit. Qëllimi kryesor i kësaj propagande të gjerë ishte diskreditimi i Hamasit në sytë e publikut në Gaza dhe justifikimi i sulmeve brutale për të shkatërruar lëvizjen Hamas.  Megjithatë, në kundërshtim me propagandën e regjimit izraelit dhe të disa regjimeve arabe dhe madje edhe të Autoritetit Palestinez se ngjarjet në Gaza ishin rezultat i operacioneve të pallogaritura të rezistencës kundër regjimit izraelit, rezultatet e një sondazhi të Qendrës së Kërkimeve Politike Palestineze treguan se popullariteti i lëvizjes Hamas në Gaza pas luftës u rrit. Pyetja e rëndësishme është pse dështoi propaganda masive kundër Hamasit? Cilat janë arsyet e rritjes së popullaritetit të Hamasit në Gaza. Arsyeja më e rëndësishme lidhet me qasjen e orientuar drejt rezistencës të lëvizjes Hamas.  Pas operacionit të stuhisë Al-Aksa, Hamasi jo vetëm që nuk iu dorëzua gjenocidit të regjimit sionist në Gaza, por edhe në negociata refuzoi të tërhiqej nga pozicionet e tij dhe t'i bënte lëshime të konsiderueshme Tel Avivit. Hamasi, duke i dhënë goditje të rënda regjimit sionist, nuk pranoi t'i lirojë të burgosurit sionistë me një ndërprerje të përkohshme të luftimeve.  Lloji i veprimit të lëvizjes Hamas bëri që regjimi sionist të dëshmonte një dështim në fushën e inteligjencës dhe politikës, përveç disfatës ushtarake.  Veç kësaj, veprimi i Hamasit u krye në një situatë ku Shtetet e Bashkuara dhe vendet evropiane gjithashtu i dhanë mbështetje të plotë regjimit sionist. Për shumë vite, perandoria mediatike e sionizmit kishte trumbetuar në hapësirën e lajmeve se ushtria e tyre është forca e parë ushtarake në rajonin e Azisë Perëndimore dhe ushtria e katërt më e fuqishme në botë, por sot në shumë qarqe politike dhe mediatike të botës, duke përfshirë ato në Amerikë dhe vende të tjera, madje edhe ish-komandantët dhe zyrtarët e lartë sionistë e pranojnë dështimin e ushtrisë izraelite.