Ushtria jemenase njoftoi zbatimin e tre operacioneve unike
Zëdhënësi i forcave të armatosura të Jemenit njoftoi zbatimin e tre operacioneve unike kundër tre anijeve në kuadër të fazës së katërt të përshkallëzimit të tensionit.
Sipas kanalit televiziv Al-Mayadeen, brigadieri Yahya Saree, zëdhënësi i forcave të armatosura të Jemenit, të premten, duke iu referuar zbatimit të tre operacioneve kundër tre anijeve, tha se në operacionin e parë, MSC ALEXANDRA e regjimit sionist ishte shënjestruar nga disa raketa balistike në Detin Makran. Zëdhënësi i forcave të armatosura të Jemenit shtoi se në operacionin e dytë, forcat detare, dronët dhe forcat raketore kanë vënë në shënjestër anijen YANNIS që i përket një kompanie greke teksa kalonte Detin e Kuq. Yahya Saree tha se në operacionin e tretë, forcat raketore të ushtrisë jemenase shënjestruan me disa raketa anijen ESSEX të regjimit sionist në Detin Mesdhe. Ndërkohë, zëdhënësi i forcave të armatosura të Jemenit paralajmëroi edhe një herë të gjitha kompanitë që ndërveprojnë me regjimin sionist se anijet e tyre do të jenë në shënjestër pavarësisht nga destinacioni i tyre në zonën e deklaruar operacionale. Në muajt e fundit, ushtria jemenase ka vënë në shënjestër disa anije amerikane, britanike dhe sioniste të destinuara për në territoret e pushtuara në Detin e Kuq dhe ngushticën Bab al-Mandab në mbështetje të rezistencës së kombit palestinez në Rripin e Gazës. Forcat e ushtrisë jemenase janë zotuar se do të vënë në shënjestër anijet e këtij regjimi apo anijet e destinuara për në territoret e pushtuara në Detin e Kuq derisa regjimi sionist të ndalojë sulmet e tij në Gaza.
