Anija tregtare sulmohet nga tre raketa pranë Jemenit
Një anije tregtare është sulmuar me tre raketa në brigjet e Jemenit, sipas burimeve të sigurisë.
Kompania britanike Embry Maritime Security ka raportuar për një incident të ri detar në brigjet e Jemenit.
Embry njoftoi në një deklaratë: “Ka pasur raporte për një sulm në një anije afërsisht 54 milje detare në jugperëndim të portit jemenas Hudejda".
Deklarata shtoi: “Anija tregtare u shënjestrua nga tre raketa 54 milje detare në jugperëndim të portit Hudejda. Anija kërkoi ndihmë dhe raportoi se ishte dëmtuar. Kjo anije tha se uji kishte hyrë në brendësi dhe anija ishte anuar në njërën anë dhe po fundosej".
Jemeni njoftoi se në mbështetje të popullit dhe Rezistencës Palestineze, nuk do të lejojë anijet izraelite ose anije të tjera që shkojnë në portet izraelite të kalojnë në Detin Arabik dhe në Detin e Kuq.
Koalicioni SHBA-Britani, në mbështetje të krimeve të regjimit sionist kundër popullit palestinez në Gaza, ka sulmuar vazhdimisht territorin e Jemenit me pretekstin e mbështetjes së lirisë së lundrimit në Detin e Kuq dhe mbështetjes së hapur të krimeve të regjimit sionist kundër popullit palestinez në Gaza.
