Al-Sanwar i përgjigjet propozimit të Biden

Al-Sanwar i përgjigjet propozimit të Biden duke u shprehur:  "Ne nuk do të pajtohemi pa ndërprerjen e përhershme të luftës.

Lideri i Hamasit në Gaza, në përgjigje të armëpushimit të propozuar nga presidenti amerikan, tha se vetëm me një ndërprerje të përhershme të luftës, kjo lëvizje do të pranojë marrëveshjen e shkëmbimit të të burgosurve. Wall Street Journal raportoi: "Yahya al-Sanwar, lideri i Hamasit në Gaza, i është përgjigjur armëpushimit të propozuar nga presidenti amerikan Joe Biden dhe tha se vetëm me një ndërprerje të përhershme të armiqësive, kjo lëvizje do të pranojë marrëveshjen e shkëmbimit të të burgosurve."

Në një mesazh të shkurtër në lidhje me propozimin e Bidenit, Yahya al-Sanwar, lideri i Hamasit në Rripin e Gazës, informoi ndërmjetësuesit se Hamasi nuk do të nënshkruajë një marrëveshje paqeje, përveçse me një ndërprerje të përhershme të armiqësive. Lideri i Hamasit në Gaza ka refuzuar gjithashtu kërkesën e regjimit sionist për çarmatosjen e kësaj lëvizjeje në Gaza. Më herët, Zëvendës Sekretari i Përgjithshëm i Lëvizjes së Xhihadit Islamik Palestinez, Muhamed Al-Hindi, tha në një deklaratë se ndërprerja e pakthyeshme e luftës në Gaza është kusht për vendosjen e armëpushimit me regjimin sionist. Presidenti amerikan Joe Biden njoftoi më 31 maj 2024 dhe në prag të zgjedhjeve të 5 nëntorit të këtij viti se Izraeli paraqiti një propozim të ri për një armëpushim dhe shkëmbim të burgosurish, i cili iu paraqit Hamasit përmes Katarit dhe u bëri thirrje palëve të mos humbisnin këtë mundësi dhe të bien dakord për këtë propozim.