Ja se si trilluesit izraelitë përhapin luftë urrejtjeje

Pars Today - Regjimi sionist ka disa vite që trajnon mijëra trillues në hapësirën kibernetike, të cilët me një identitet të rremë mundohen të krijojnë një luftë urrejtjeje.

Sipas Pars Today, termi trilluesit në internet u referohen atyre personave që dërgojnë mesazhe të programuara me qëllime specifike në hapësirat online që të ndikojnë në mendjet e audiencës dhe t'i bëjnë të tjerët të reagojnë me ndjenja. Imazhi i mëposhtëm u publikua në internet në vitin 2016, duke paralajmëruar për "Troll Farm" (Grupi i Trilluesve) të Izraelit. Termi " Troll Farm " përdoret zakonisht për t'iu referuar një grupi njerëzisht që në këmbim të një rroge operon në rrjetet sociale dhe kryesisht publikon kundër-informacione ose informacione të rreme.

Regjimi sionist me krenari ka njoftuar nisjen e një projekti në të cilin Izraeli trajnon 13 mijë të rinj me qëllim që të pastrojë imazhin e këtij regjimi në opinionin publik të botës dhe hapësirën kibernetike.

Detyra e këtij grupi që quhet "Hasbara" (hebraisht: הַסְבָּרָה), është afërsisht ekuivalente me "shpjegimin" dhe justifikimin. Për shkak se Hasbara fokusohet në ofrimin e shpjegimeve rreth performancës individuale ose kolektive, ajo njihet për faktin se ka një "qasje reaguese dhe të orientuar nga ngjarjet". Ky projekt, si një strategji komunikimi, në përgjithësi synon të justifikojë krimet e Izraelit në Palestinë. Në të njëjtin vit 2016, u dhanë shumë paralajmërime se 90% e trilluesve që diskutojnë me ju në internet për Izraelin dhe Palestinën janë njerëz të arsimuar dhe profesionistë të lidhur me regjimin sionist.

Izraelitët gjithashtu morën detyrën e trajnimit të operacioneve psikologjike për disa grupe hakerimi dhe terroriste në botë. Një nga këto grupe është Organizata e Muxhahedinëve të Popullit (MEK), e cila duke përdorur përvojën e izraelitëve krijoi një fermë të ngjashme trilluesish në Shqipëri. Ky grup është quajtur “Keyboard Army” (Ushtria e Tastjerës) pas dështimit të MEK në arenën ushtarake. Anëtarët e MEK duke nisur një luftë psikologjike po përpiqen të fshijnë krimet dhe tradhtitë e tyre kundër Iranit nga mendjet e njerëzve. Një nga institucionet aktive të regjimit sionist në luftën psikologjike është Njësia Kibernetike 8200, e cila, si nëngrup i Organizatës së Inteligjencës të Ushtrisë Izraelite (Aman), është përgjegjëse për spiunazhin, monitorimin e përdoruesve dhe mbledhjen e informacionit të tyre, sistemet e hakerimit, përgjimin elektronik, dekodimin e kodeve dhe kodimin dixhital. Thuhet se njësia 8200 ka numrin më të madh të trupave në Ministrinë e Mbrojtjes të Izraelit.

Ata që janë rekrutuar në njësinë 8200 flasin rrjedhshëm gjuhët e vendeve të ndryshme, përfshirë persishten. Raportet tregojnë se ushtria izraelite, për të helmuar hapësirën kibernetike kundër shtetit iranian, i trajnon trupat e saj në gjuhën perse që në shkollën fillore. Anëtarët e njësisë 8200 nën maskën e përdoruesve të hapësirës kibernetike nga vende të ndryshme, përfshirë Iranin, janë të angazhuar me përhapjen e thashethemeve, duke lënë komente, duke krijuar një valë mediatike kundër figurave politike të shtetit iranian, duke minuar pikëpamjen anti-koloniale të Iranit në botë dhe duke krijuar konflikte fetare dhe politike. Ata gjithashtu përpiqen të promovojnë idetë sioniste, të ndikojnë dhe përhapin mosmarrëveshje në botën myslimane, të helmojnë kulturën dhe mendimet e myslimanëve, si dhe të sulmojnë vlerat morale, njerëzore dhe ideologjike.

Një nga teknikat e tyre është të sulmojnë opinionet e një grupi në emër të një grupi tjetër. Për shembull, disa prej tyre kërcënojnë përdoruesit hindu duke prezantuar veten si muslimanë dhe disa kërcënojnë përdoruesit myslimanë në emër të hinduve, në mënyrë që edhe ata të reagojnë.