Izrael/ Jep dorëheqje Ministri i Kabinetit të Luftës
Ministri i Kabinetit të Luftës i Izraelit ka dhënë dorëheqje nga qeveria ekstremiste e kryeministrit Benjamin Netanyahu.
Benny Gantz muajin e kaluar i dha Netanyahut një afat për të paraqitur një plan të qartë pas konfliktit në Gaza.
Ndërsa së fundmi ai ka njoftuar largimin e tij nga qeveria, të cilin e quajti vendim “kompleks dhe të dhimbshëm”.
Largimi i partisë centriste të Gantz nuk do të përbënte një kërcënim të menjëhershëm për koalicionin qeverisës të Netanyahut, i cili kontrollon 64 nga 120 vendet e parlamentit, por megjithatë mund të ketë një ndikim serioz.
Me largimin e Gantz, Netanyahu do të humbasë mbështetjen e një blloku centrist që ka ndihmuar në zgjerimin e mbështetjes për qeverinë në Izrael dhe jashtë saj, në një kohë të rritjes së presionit diplomatik nga komuniteti ndërkombëtar.
